Talde Gune Gasteiz

Gaurtik martxoaren 18ra arte eman daiteke zozketarako izena, udalaren web-orrian.

Gasteizko Udalak, Kultura, Hezkuntza eta Kirol Sailaren bitartez, diru-laguntzak emango dizkie hiriko musika taldeei, entsegu-aretoak erabiltzerik izan dezaten, bertan beren lanak sortu, entseatu eta grabatzeko. Gasteizen erroldatutako musikari orori zuzenduta dago programa, eta aretoen jabe Talde Gune Gasteiz enpresarekiko lankidetzan egingo da: bi areto prezio sinbolikoan (3 euro orduko) erabiltzeko aukera emango dute, Sailak % 60ko diru-laguntza emango baitu.

Kulturako zinegotzi Iñaki Prusillak eta  Talde Guneren arduradun Aitor Ruiz de Arbulok aurkeztu dute gaur ekimena, entsegu-aretorik ez duten musika taldeei lagundu eta gure hirian musika sorkuntza sustatzeko helburua duena.

Bi motatako erabilerak bereiziko dira: bi pertsonak edo gehiagok osatutako musika taldeak, eta banakoak. Taldeek izango dute lehentasuna, zerbitzua hobeto aprobetxatzearren. Astean gutxienez 2 ordu erabili beharko da aretoa, eta pertsona edo talde berak ezingo du 4 ordu jarraian baino gehiago erabili.

Udalaren web-orrian eman ahalko da izena, 2016ko martxoaren 7tik 18ra arte.

Zozketa egingo da izena eman dutenen artean lekuak banatzeko, martxoaren 21ean: zenbaki bat aterako da, eta zenbaki horretatik aurrera izen-ematearen hurrenkerari jarraituko zaio.

2016ko apiriletik abendura arte erabili ahalko dira aretoak.

OTROS ARTICULOS

Deja un comentario

Tu dirección de correo electrónico no será publicada. Los campos obligatorios están marcados con *