Gasteizko gazte talde batek “Corre” kaleko 127. blokea okupatu du

Hala bedi jakinarazi duenez, 35 gazte inguru bizi daitezke okupatu duten bloke berri honetan

Hala Bedi Irratia:

Gasteizko gazte talde batek “Corre” (Hedegile”) kaleko 127. blokea okupatu du, Hala Bediri jakinarazi diotenez. Azken aste hauetan zehar okupatu dute bloke hau, eta 35 pertsona inguru bizi daitezke eraikin honetan. Azaldu dutenez, “etxebizitzaren inguruko arazo kolektiboari erantzun kolektibo bat” eman nahi diote okupazio berri honekin. Gogoratu beharra dago, ikasturte honetan zehar “Pinto”, Txikita eta “Kutxi” kaleetan blokeak okupatu dituztela helburu berdinarekin.

Gazteek azaldu dutenez, “bloke honen utzikeriagatik, alkateak, aurreko udal gobernua eta berea salatu eta akatsak onartu ordez, gure portaera kriminalizatzera joko duela badakigu”. Zentzu honetan, “hiritarron interes eta beharrak asetzeko borondate eza” leporatu diote Urtaranen gobernuari.

Gazte Emantzipaziorako Saretik argitu dutenez, sarea zabaltzen jarraitzeko asmoa dute: “Txikitatik hasita, Pinto, Kutxi, eta Hedegile kaleko etxebizitzak pizten eta berpizten jarraituko dugu”.

Etxebizitzaren desjabetze prozesua

Bloke honek hamar urte daramatza hutsik. Izan ere, 2008. urtean, ARICH (Agencia de Revitalizacion Integral del Casco Historico) enpresa sortu eta etxebizitza honen tankerako blokeak kudeatzen hasi zen. Hala ere, nahaspila  urbanistiko ugari sortu zituen enpresa honek, eta egun, zorrak kitatu gabe ditu oraindik.

Blokeak 10 urte daramatza hutsik eta zorrak oraindu gabe ditu oraindik

Etxebizitza honen desjabetze prozesua ulertzeko luze jo behar dugu atzera. ARICH enpresak, tutoretzapeko apartamentu batzuk sortu nahi zituen, baina ez zen inolako mugimendurik egon. Ezarritako datak igarota, proiektu honen eskumena Ensanche 21en eskuetara igaro zen eta 2012. urtean, arrazoi ekonomikoengatik, kudeaketa bertan behera geratu zen.

Deja un comentario

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Conoce cómo se procesan los datos de tus comentarios.